15°

29°

over 65

Memoria Parma - Chiedi chi era Stopaj

Ricevi gratis le news
6

Memoria Parma è una sezione dedicata a tutti gli over 65 che abbiano voglia di raccontare sul nostro sito la loro Parma di una volta o altre storie. Oggi Antonio Abbati ci parla  - in dialetto - di Stopaj, figura "storica" della Parma di una volta:


Stopaj: ‘na miniéra ‘d barzlètti, ma anca cuél d’ ätor

Gh’éra ‘na volta , ‘n òmm picén, putòst rotònd, ch’ l’ andäva sémpor  dalù tra  ‘n  bòrogh  e ch’l ätor, pjanén, pjanén, férmandos a ogni pisäda ‘d càn, a cantär, a parlär par tirärla a la lónga e scuasär la bàza, che spèss l’ éra la so cómpania e la so cróza.
L’èra cognsù da tutt Pärma e tra lu e tùtt  gh’éra un avanti e indrè äd batudi, ‘d rìmi e barzlètti ch’i zvolazävon cme i pagn stéz, cuand tira ‘l vént.

I mur di bórogh dal pärti ‘d San Michél, äd Bórgh Bondióla e Bórgh Ozlas, s’avrisòn podù parlär e dir a la génta cuànt barzlètti, cuànt discòrs, rìmi e cansonètti cantädi dal nostor a gh’è tochè ‘d séntir par fortón’na o par scalóggna, j én stè testimòni e spétatór äd coll ca sucédäva in chi temp la. Parlarissòn par giornädi intréghi ‘d cla vòza impastäda col vén ròss butè zo a garganéla: cuartén, dopa cuartén, cla s’éra incoläda contr’ i mur cme i manifést. L’éra dvintäda pärta di bórogh medesim; tant cme il vòzi ‘dla génta e i arciàm dil mami p’r i so picén chi zugävon in sträda.

Cla voza impastäda ‘d fojètti, insèm’ äl ghign buff e pjén äd tristèssa la gh’äva un nòmm e un stranòmm cme uzäva a chi temp la: l’ éra Ettore Bonazzi o Tòrén par i amigh e in ärta: –Stopaj.-

Al stäva ‘d ca in Bórgh Tort, infónda ‘l cantòn con Bórgh Valòri, in-t-la ca ‘d Piolètt e la l’andäva a dormir dopa avér scuasè la baza.

Propria in-t-i momént ch’l’ éra in-t-la sòvva saltäva fóra ‘l pastiss e ‘s catäva dalù cme un càn sénsa padròn. L’éra ‘na storia trista, cla fäva i puggn col barzlètti e ‘l rìmi.

La génta la ‘n capiva miga la tragédja capitäda adòs a ch’l’ òmm picén, ch’l’ andäva pjan pjan p’r i bòrogh a cantär ‘n pär d’ canzonètti: -sémpór colli, cme ‘n disch frùst-: “Signorinèlla pallida” da ‘na fàcia dal disch e “la mia monella non è” da ch’l’ ältra.

Tutt i ridävon a séntir i so discórs e vlontéra ‘l parläva ‘d politica, dand adòs aj sòcialista chi parlävon sémpòr a vód, sénsa mäi combinär njénta. I gh’mancävon mäi i consìlli a Togliatti; cuäzi s’ al fus lì in parson’na.

Al nostor Stopaj ‘l n’éra miga sémpor dalù a scuasär la bàza par sträda. Parècc’ bévdór: bàza dopa bàza i tirävon avanti ‘na vitta dizgrazjäda aspétand d’andär al pjopi e fnìr l’ézisténsa sénsa pu al vizi dal scudlén o dal bicér col mànogh. Vìtti pasädi con i pe sòtt’ a la tävla ‘dl ostaria.

L’éra un mond dezgrasiè, pién d’misérja, ‘d ponghi, pjóc’ e scarafass, cme diz un poéta nostràn. L’éra l’otzént restè indrè ch’al s’ éra catè un sécol dopa, ma al n’ éra pu ‘l sòvv.

Soltant i motorén e la televisiòn in tutt’ il ca j ävon spasè via l’ost e ‘l so vén..

Molta génta bón’na ‘d carator, cuäzi sémpòr zlatäda a pàn pociè in-t-al vén j ävon fatt la fortón’na ‘d i ost.

A chi temp la, Pärma l’éra speciäla: fata ‘d génta bon’na e generóza, pront’ a där ‘na màn a chi gh’äva ‘d bizòggn.

 

Pasand davanti a ‘n ostarìa a ‘na cèrta ora vérs sira, s’incominciäva séntir i cant di cliènt acompagnè daj mandolén e dal chitàri e vlontéra il romanzi d’opra i volävon tra nuvvli ‘d fùmm äd sigàl e sigarètti fati a màn col cartén’ni e vlontéra col tabach chinè ‘d cìcca.

Anca i ràgas i conossävon i opri pu popoläri. Pärma l’éra la capitäla dal mélodram; e ‘l so logiòn l’ éra un po tròp ezigént e un po tròp convint d’ésor inténditor äd musica. J éron un po tròp gazè e un po tròp ignorant.

 

D’ Invèron gnäva zo dill gambi ‘d néva. Al frèdd l’éra propria frèdd bombén e ‘l nòstor Stopaj ‘l ne moläva miga. L’éra par la sträda sott’ a  la poca lùza cla foräva la fumära fissa cla ‘s tajäva col cortél e sott’ a cla poca luza la, l’andäva pjan, pjan drè ‘l mur cme i zanén…. L’éra sémpor sénsa tabàr! Äl sarcäva la sträda pu lónga p’r andär a ca e, drè a lu gh’ éra il so saptädi in-t-la néva e njént’ ätor e i fävon al so medézim gir.

Il barzlètti e i discors al mur i zlävon cme j candlot gjasè in spincolòn dal navètti.

Gnan i gat i gh’fävòn pu la góba e i gh’ bofävon  adrè: l éra conossù anca da lòr cme un bón ràgas e miga cme un casadór ãd lévri da copp.

E’ propria véra. L’andäva méj cuand l’andäva pés. Incò a ’n ghè pu in gìr tutt il macètti in cärna e òss: j én volädi via vùnna a la volta cme la fumära cuand tira ‘l vént.

Parècc’ äd lor j àn scuasè l’ ultma baza véstì col paltò ‘d lègn, lóngh al Viäl di pjop.

Dal Sórd, da Quinto, dal Nigòr Fumm e da Primòto, gh’è ‘na chiéta e un silénsi da sépólcòr. I scudlén, i cuartén col manògh e il dgami ‘d narvètt, còddga ‘d gozén e óv còt, j àn voltè pagina cme ‘n lunäri pjazintén. I fan pärta ‘dla storia e di arcord äd ch’ éra nassù parècc’ témp fa. 

Pärma l’ è dvintäda ‘na citè cme tanti ältri: sèmpòr pu anonima, sénsa alma e, pasand p’r i bòrogh vèrs la Piaza, am pär äd vèddor al nostor Stopaj ciciarär a ‘n portòn sarè. Un cagnètt a gh’ ciuppa a drè spavintè da cla voza impastäda da tròp foiètti butädi zo par fogär la maledètta solitudine; cróza sénsa délisia ‘dla so esisténsa.

L’ è a la Vilètta sòtt’ i pòrtogh dopa Padre Lino ‘l frè sarcòn p’r i povrètt.

Pasand davanti am pär äd séntir l’aria ‘dna cansòn dal coll disch famòz. Sarà sensätor ‘na sénsasiòn mèjja, ‘na voja d’ andär indrè in chi témp pasè a séntir e riddòr p’r il so barzlètti par notädi intréghi, fin’ che ‘l nòstor l’ äva scuasè la bàza e l’ andäva a dormir la sònn. 

L’à  paghè un prézi salè bombén par dvintär al nostor Stopaj e guadagnäros un post in-t-la storia di pàrsonag’ minór äd Pärma:

 

                                                                                                                       Antonio Abbati

 

Vrèmos bén, al mond  agh sèmm’ in tri : òmm, dònni e ràgas!

          (massima filosofica del nostro Stopaj

Notizie, storie, consigli utili: leggi la nostra sezione per gli Over 65 di Parma

 

© RIPRODUZIONE RISERVATA

Condividi
Clicca qui per leggere e commentare >>

Inviaci il tuo commento

Condividi le tue opinioni su Gazzetta di Parma

Caratteri rimanenti: 2500

  • Maria

    31 Ottobre @ 12.57

    Bello, interessante e scritto bene. Speriamo di poterne leggere altri.

    Rispondi

    • antoniomaria

      18 Dicembre @ 14.20

      Le rispondo anche se in colpevole ritardo. La ringrazio del suo commento e spero anch'io, come Lei di farmi leggere di nuovo. La saluto e ringrazio ancora.

      Rispondi

  • Luciana

    29 Ottobre @ 23.48

    Am'nin parleva me mädra quand sera picèn, a ghera Stopaj, Cilijen, al mat Sicuri.al mat Ambanel (Ambanelli) e po' am' ricord pù. Ag'nin sarà stè d'jetor...

    Rispondi

    • antoniomaria

      18 Dicembre @ 14.25

      Chiedo scusa per il ritardo nel risponderle. Sarei più che felice di scrivere qualcosa su questi altri personaggi, ma non li conoscevo oltre l'aspetto fisico. La ringrazi per il suo commento.

      Rispondi

  • Valter

    29 Ottobre @ 08.26

    Grazie, è un rifiorire di ricordi! Abitavo in via del Consevatorio (angolo borgo delle Orsoline) e ricordo Stopaj che parlava con l'austero muro dell'Università. Indelebile figura nella memoria.

    Rispondi

    • antoniomaria

      18 Dicembre @ 14.32

      Le chiedo scusa per il ritardo della mia risposta. Tutta le gente di Parma di quell'epoca, per un certo verso gaudente, ricorda volentieri. Ho solo voluto rinverdire quanto era bello vivere "quando andava peggio" La saluto e un grazie. Antonio Abbati

      Rispondi

Video

IL METEO NEL TUO COMUNE

Gossip, Fun, Spettacoli

L'estate pazza di social, vip, bufale e gaffe "razziste"

il caso

L'estate pazza di social, vip, bufale e gaffe "razziste"

La domenica al Colle San Giuseppe Foto

estate

La domenica al Colle San Giuseppe Foto

Belen fuma in aereo privato, scalo emergenza a Lamezia

gossip

Belen fuma in aereo privato, scalo emergenza a Lamezia

1commento

Notiziepiùlette

Ultime notizie

Programmazione dal 21/08/2017 al 25/08/2017 delle postazioni di accertamenti strumentali di velocità e irregolarità alla circolazione

VIABILITA'

Autovelox, speedcheck e autodetector: la mappa della settimana

Lealtrenotizie

Barca prende fuoco e affonda nel Po, Marco Padovani muore annegato

tragedia

Barca prende fuoco e affonda nel Po, Marco Padovani muore annegato Video

gazzareporter

Via Langhirano, la razzia "chirurgica" degli specchietti retrovisori Foto

7commenti

calcio

Il Parma supera i 7mila abbonamenti e "corteggia" Matri

1commento

Novità

Il caffè? Lo pago con la carta

12commenti

bellezze

Miss Italia: il popolo del web fa volare Anna Maria alle prefinali di Jesolo

IL CASO

Vaccini obbligatori e verifiche, la protesta dei presidi

incidente

Paurosa caduta in moto: 5 km di coda in A1 al bivio con l'A15 Traffico tempo reale

Felino

Chiusa fra le polemiche la fiera d'agosto

cittadella

Cittadella da giocare: raddoppiano i tappeti elastici Foto

gazzareporter

Non c'è posto? Qualcuno parcheggia lo stesso

gazzareporter

Lavori di asfaltatura barriera Repubblica

tg parma

Sicurezza in ospedale: oltre 100 telecamere entro il 2018 Video

2commenti

CALCIO

D'Aversa si racconta

polizia municipale

Bocconi avvelenati: nuova allerta

1commento

BERCETO

L'epopea degli Scout dal primo campo estivo

IL PERSONAGGIO

Lo Sceriffo, il pilota di drifting che si prepara a Varano

Il giornale di oggi

sfoglia

abbonati

EDITORIALE

I terroristi di ieri e quelli di oggi

di Michele Brambilla

EDITORIALE

Colpito il simbolo della gioia di vivere

di Paolo Ferrandi

ITALIA/MONDO

terrorismo

Attentato di Barcellona, ucciso il killer in fuga

terrorismo

Sventato attentato con Barbie-bomba su un volo per Abu Dhabi

SPORT

ciclismo

Impresa di Nibali alla Vuelta. Ora Froome è in rosso

SERIE A

Partenza sprint per Inter e Milan, la Roma vince a Bergamo

SOCIETA'

TERRORISMO

Rischio terrorismo: inizia l'Italia delle barriere Gallery

cinema

E' morto Jerry Lewis, aveva 91 anni

MOTORI

VACANZE

Attenzione a come caricate i bagagli: si rischiano punti patente

MERCATO

Bmw Italia, 2000 euro per la permuta di diesel Euro4 e precedenti