10°

20°

over 65

Memoria Parma - Gh’ éra ‘na volta ‘l me Bórgh Tort

Ricevi gratis le news
8

Memoria Parma è una sezione dedicata a tutti gli over 65 che abbiano voglia di raccontare sul nostro sito la loro Parma di una volta o altre storie. Oggi Antonio Abbati torna a parlarci  - in dialetto - della Parma di una volta.

(N.B. - Abbiamo lasciato la grafìa della versione originale, che però non è sempre quella "pura" del nostro dialetto. Per questa parte, vi rimandiamo allora alla nostra Sezione Dialetto, dove ospitiamo anche le lezioni del "prof. Malètt", ovvero Enrico Maletti, proprio per chi vuole conoscere grafìa e significato delle parole del nostro vernacolo)


Gh’ éra ‘na volta ‘l me Bórgh Tort

Vagh adäzi adäzi p’r i bórogh ädla me citè, cuäzi a sercär faci ‘d génta amiga, parént e conossént, anca se bombén äd lor j én sparì par sémpor, ma miga in-t-la mémorja.

Sént ancòrra il vozi dla génta viva e alégra anca cuand i pjóvävon zo dal cjél il bombi su la tésta e sóra i véc’ cuartér, testimoni ‘d tanta storja ch’l’ äva fat grand sta citè picén’na con i so bórogh e i ort chi dävon la frutta ‘d stagiòn e vérdura frèssca tutt il matén’ni; ma p’r i pòch  chi  podèvon comprärla!

La guérra l’äva picè dur in-t-i anim äd la génta, ma la vlontè ‘d vivor l’ éra granda pu ‘dla Pilòtta e i Zardén Pubblich miss insèmma.

M’arcord ancòrra cme si fusson li davanti proprja in coll momént chi  i carètt zburlè a bras e cuand i  s’ metävon andär i sältävon sóra i gjaròn dla sträda e i fävòn un patél da can. Sóra chi carètt lì

i frutaròj ambulant i vendävon dla roba pu che madura, pronta da butär zo in-t-la Pärma s’ la fus réstäda li ‘n ora ‘d pu, tant l’ éra patòca. Cla roba lì, pagäda su l’ónngia la costäva pòch centén, subitt e malédètt cme ‘s diz incòn. Anca a chi temp la; a difèrénsa cojj nostor gióron,  ‘s butava via gnénta.

Il rezdòri intorna aj carètt i s’ dävon da fär par comprär la frutta apén’na boläda e la verdura con méno  scärt. Intant che i sarnivòn al pu possìbil la roba méno boläda, i putén fiss cme ‘l rud i fävon un patél dal djävòl e i pu grand, spès e vlontéra i fävon il sasädi tra ‘d lór. Il putén’ni un po pu chjéti i fävon äl zògh dal mondo déntor il righi fati con äl gèss sóra ‘l marciapjè. 

Äl bórogh äl se zvudäva ‘d colp cuand äl càn dal Gorìllo, äd corsa dal cantòn äd Via Saffi ‘l sércäva äd där äd boccä äl primm capitè mäl. L’ éra ‘n atìm äd paura e subìtt dopa tutt tornäva cme prìmma, sémpor pjén äd ragàs zugatlòn, sémpor prónt a sigär e rómpor un cuälch védor con ‘na sasäda o col gerlo.

Intant l’Ercolina, vècja brangògnon’na, andand a ca vèrs sira, l’andäva lóngh äl mur cme i zanén, brangògnand par cont sòvv sémpòr cme ‘na bronza ‘d baròl bojù e i ragàs un po’ tropp birichén i gh’ fävon äl vèrs par färla rabìr ancòrra ‘d pu. Artornäva  sùbit la cälma cuand l’ Ercolina l’ andäva in ca e la saräva bén stricch i védor ädla so fnestrén’na a pjàntarén, par né séntir ancòrra i ràgas a färògh äl vèrs.

E cme ‘n póssa miga scrivvòr ädla Procissjòn a la sira dal Venerdì Sant, che da San Zvan la riväva a metà bórogh, sarè su da ‘n altäri fatt con ‘na tävla missa ‘d travärs e me pädòr a la so fnéstra dal sécond pjan al s’ métäva, a dir: < vè chi sàvatòn la > chi passävon sòtta tutt intabarè fin  in co con la pataja da cérimonia, déntor a ‘na nuvvla ‘d incéns e ‘na catèrva ‘d candéli pjädi. E cme ‘s pól s’crivvòr miga ädla ostarja dla matta Rozòn a métà bórogh e dal so òmm ch’ l’éra ‘l so pu bón avintór. Gh’éra in fónd’ al bórògh la botéga ‘d Pio äl torlidór dal lèggn e in-t-al cantòn con Bórgh Valori gh’éra l’ostarja ‘d Pjolèt, in dòvva a gh’ stãva ‘d ca’ ‘l famóz Stopaj. D’ istè vèrs sira a ‘s muciäva ‘na catèrva ‘d scranén’ni e banchètt in fila su e zo dal  marcjapè. Il donlètti sédudi a cicjarär i ävon cuzì adòss a cojj, o a colli chi passävon, tant zachètt che si fusson stè butè zo in-t-la Pärma i l’avrisòn  stopãda anca in-t-al pònt pu lärògh dal so còrs. I n’éron  miga discors cativ, ma fatt par fär la tara e passär al temp sénsa spéndor gnàn un bòr.

Icilio al latär äl spontäva cuäzi ‘d miracòl vèrs sira, con äl furgòn e brónzi e brónzén i gnävon lìmpidi äd lat tirè su con al  mesc’én dal bidòn d’ aluminio ädla Centräla.

Cuand pioväva: ombréli e ombarlòn i gh’la metèvon tutta par nè zlóngär tròp’ al lat col gòssi d’acua e ‘l librèt nigòr l’ éra sempòr pjén ‘d marcädi. Äl cartél “non si fa credito” l’ éra propria ‘n erézìa. 

Vòn a la volta con la mémorja arvèd pasär in fila lóngh äl bórogh figuri d’ambulant, macètti, barbòn, a volti grizi, a volti piturädi a colór s’ciasóz  Arivè a coll pónt chi, ‘n fàgh miga fadiga a parlär dil vozi, ‘d arciàm, i odòr, äl riddòr e a séntir cantär e contär il barzlètti da Stopaj proprja cme s’ äl fuss li davanti in parsón’na e a zvén a lu vèddòr Leòn al spasén, äl Gòrilo, al can nigor dal Gorìlo ch’ äl s’ cjamäva Leòn. Arvèdd Carlòn äl sindich dal bórogh, al calzolär Campanén e so fjòl  Pimpòlo. Arvèdd Tujo e ‘l pòvor Attila Alberti so fradél ãdla famija di gambalissa ch’ l’éra stè massè in Stra’ Méstra da la Celere cuand la sparäva p’r aria! Intant a vén avanti Livjo äl matt; ’na montagna d’ òmm e ‘na testén’na ‘d taja mini cla spariva sott’ äl bonnètt. A drè a lu un sàch äd génta stramba, ma anca tanta bräva génta e ‘na catèrva ‘d pézi cuzidi su vestì frùst e zbjavdì chi piturèvon cuädor pjén ‘d vìtta trista e alégra dentòr a ‘na corniza taròlida cla pardäva i tòch, ma la tgnäva insèmma ‘n mond dal tutt particolär e forsi anca unìch. Äl s’cjamäva  Bórgh Tòrt.

A dir la vritè in tutt la citè a gh’ éra parècc’ realtè pu o meno uguäli. I bórogh j éron bórogh fat in magjoransa da génta cla s’alvava su a la matén’na bonóra p’r andär a lavòrär. A la sira parècc’ i métèvon vlontéra i pe sott’ al tävli ‘d l’ostaria, ma ‘n gh’éra ätor da sarnir! 

 L’ odór dill bruzädi ädla castagnén’na con l’odòr ädla tórta fritta ‘dla  Gianón’na äl ne ancòrra zbjadì dal tutt in-t-la griza nuvvla ädla fumära dal témp ch’al pàssa e ‘l va. Cla nuvvla lì la sérca ‘d nascondor  la vista ‘d chi temp la cme ‘na foto sémpor pu macjäda da la ruzzna sòtt’ a  ‘na patina cla sérca ‘d nascon’dor anca la ronda di soldè cla pasäva tutt’ il siri. Spèss al car-da-mórt äl portäva a la Vilèta un povòr soldè ca gh’ l’ äva miga fata a gnìr fóra col so gambi da l’Inférmèria Présidjaria.

Che tristèssa incò pasär lóngh äl bórogh. Äl n’è pu viv. L’ è dvintè mut. An gh’è pu la génta par sträda. A ‘s canta pu andand su p’r il scäli ‘d ca, i ràgas in zugon pu col latén’ni vódi dal lat in pollvra. Anca ‘l bali ‘d néva i s’ én sfati zo e ‘l righi ‘d gèss tirädi sóra ‘l marciapjè i s’ én zgasädi par sémpòr. A ‘n sént pu i arcjam dil màmi, i coro di bévdór, i mandolén di sonadór ambulant e la chitara ‘d Contén al mat. L’ andäva drè ‘na méza gjornäda a sonär l’ acompagnamént e basta!

La génta la va sénsa fermäros a ciciarär. ‘N gh’è pu i bòdgär, i artigìan, i ostarij e péz ancòrra, a ‘n ghè pu j amigh, parchè l’amicissja l’ è morta. La génta la ‘s guärda ‘d travèrs cme i can. 

Il bazi dal sabòt sira j én städi scuasädi da tant témp indrè e par fòrtón’na anca Pippo l’aroplàn ch’al moläva zo d’ogni tant cuälch spézzòn s’ äl vdèva pjè ‘na luza. L’ äva smiss anca lu ‘d tgnir dèzd la génta tutt’ la nòta.

Al nostor bél djalètt äl s’è salvè p’r un pél e fin ca gh’ sèmma chi nojätor ansiàn al tén bòta, ma ‘n so miga par cuant témp ancòrra e s’ pol där, sperànd äd no, ch’al fnissa anca lu cme il barzlètti ‘d Stopaj. 

Bórgh Tort at si un bél nòstalgich arcord ch’al mérita ‘d pu äd ’na cuälca pagina ‘d Storia: ma ‘na bibliotéca intréga. 

                                                                                                                 Antonio  Abbati

 Memoria Parma: clicca qui per leggere storie e ricordi della nostra città e provincia 

Notizie, storie, consigli utili: leggi la nostra sezione per gli Over 65 di Parma

Vuoi inviarci i tuoi ricordi? Clicca qui oppure scrivi una mail a sito@gazzettadiparma.net

 

© RIPRODUZIONE RISERVATA

Condividi
Clicca qui per leggere e commentare >>

Inviaci il tuo commento

Condividi le tue opinioni su Gazzetta di Parma

Caratteri rimanenti: 2500

  • Maria

    06 Dicembre @ 15.35

    Grazie per questi bei ricordi che ci da speriamo in tanti altri.

    Rispondi

    • antoniomaria

      18 Dicembre @ 14.39

      Non posso altro, anche se in ritardo, di ringraziarla per il suo commento graditissimo. Spero anch'io che ne seguano altri. La saluto e ringrazio.

      Rispondi

  • Maria

    06 Dicembre @ 14.51

    bellissimo

    Rispondi

    • antoniomaria

      18 Dicembre @ 14.51

      Un mille grazie per il commento stringatissimo, ma ugualmente gradito. Nuovamente, mille grazie.

      Rispondi

  • gigiprimo

    04 Dicembre @ 14.13

    vignolipierluigi@alice.it

    Ricordo benissimo il fatto relativo alle luci accese mentre passava 'pippo' , mia madre ci perse una gamba e altri rimasero feriti anche se in modo più lieve.

    Rispondi

    • antoniomaria

      18 Dicembre @ 14.43

      Voglia scusarmi per il ritardo nel risponderle. Anch'io ho ancora nitido nella memoria le due esplosioni di quella notte. Abitavo in Via C:Corsi. Mi ricordo ancora della signora. La ringrazio e la saluto.

      Rispondi

  • Luca

    04 Dicembre @ 12.30

    Anche se sono giovane per un attimo mi è sembrato di vivere quei tempi, cosi' come li ha vissuti mio padre e mio nonno.Commovente ma vero.

    Rispondi

    • antoniomaria

      18 Dicembre @ 14.47

      Voglia perdonarmi per il ritardo nel rispondere al suo gradito commento. Voglio solo aggiungere: erano tempi duri vissuti in una città felice e fraterna. La saluto e ringrazoi.

      Rispondi

Video

IL METEO NEL TUO COMUNE

Gossip, Fun, Spettacoli

Pallavolo

Volley Usa

Salvataggio alla Mila e Shiro: Autumn diventa una star Video

 Il rapper parmense Chrysma in radio con il nuovo singolo "La prima volta"

musica

Il rapper parmense Chrysma in radio con "La prima volta" Video

14-0 e calcetto finisce in rissa, squadra denunciata

torino

14-0 e il calcetto finisce in rissa, squadra denunciata

Notiziepiùlette

Ultime notizie

L'autunnale torta di riso e verze

LA PEPPA

La ricetta L'autunnale torta di riso e verze

Lealtrenotizie

Maxi inchiesta anti-evasione, sequestrata la pizzeria «Arte&Gusto»

VIA EMILIA EST

Maxi inchiesta anti-evasione, sequestrata la pizzeria «Arte&Gusto»

VIANINO

Furto all'alba nel supermercato

Vandalismo

Strage di gomme in borgo Gazzola

RUGBY

Minozzi e Giammarioli, «gemelli» azzurri

COMUNE

Carte d'identità elettroniche, il trasporto per anziani e disabili

TRAFFICO METEO NEWS

Buongiorno Parma! x

Traffico-Meteo-News: tutte le informazioni utili prima di uscire di casa

2commenti

Oltretorrente

«Ci riprendiamo il nostro quartiere: yoga in strada e biciclettate»

Appennino

Transumanza, lezione tra i monti per gli studenti del Bocchialini

FONTANELLATO

Riapre il box della torta fritta

ambiente

Piove ma a Parma le Pm 10 restano alte: misure d'emergenza fino a giovedì

4commenti

tegola parma

Ceravolo, lesione dell'adduttore: sarà operato?

1commento

Appello

La mamma di Tommy: "Alessi deve rimanere dentro, devono pagare" Video

1commento

sorbolo

Pedone investito nella notte in via Mantova: muore un 60enne

La vittima è Asani Memedali, macedone, da anni residente in paese

Soccorso Alpino

L'addio a Davide Tronconi: camera ardente a Castelnovo Monti, funerale a Cerreto Alpi

La famiglia chiede di non donare fiori ma offerte per il Saer

anteprima gazzetta

Evasione e soldi all'estero: ancora Parma nel mirino Video

POLIZIA

"Spaccata" alla concessionaria 'Philosophy': rubate tre moto

Bottino di circa 40mila euro

1commento

Il giornale di oggi

sfoglia

abbonati

EDITORIALE

Renzi contro tutti. Pd lacerato verso il voto

di Stefano Pileri

CHICHIBIO

«Trattoria Ferrari da Cecchino», la tradizione continua

di Chichibio

ITALIA/MONDO

lazio-roma

Vergogna nel mondo ultrà: insulti razzisti con Anna Frank Gallery

INCIDENTE

Tragedia nel Savonese: vuole sparare a un cinghiale ma uccide un fungaiolo

2commenti

SPORT

serie b

Le pagelle in dialetto

calcio

Modificato lo statuto di serie B: cambia l'elezione del presidente

SOCIETA'

social

Ecco come rubano una bici (in 40 secondi) Video

1commento

VAL D'ENZA

San Simone: tre giorni di fiera a Montecchio Il programma

MOTORI

CITYCAR

Toyota Aygo, la limited edition X-Cite

MINI SUV

Hyundai Kona, al lancio prezzi da 14.950 euro