Sei in Archivio

Sport

Ampuero, la corsa l'arcordäva còlla äd Di Chiara

15 maggio 2013, 13:34

Mirànt cuàtor
insìmma ai gol poch da fär, mo la mè sensasjón, jerdlà, l’é städa che la diféza la s’ sarìss podùda gvidär méj e invéci a té m’ paräv mòl cme ‘na bón’na  pärta di tò compagn äd scuädra


Rosi séz
‘na gran confuzjón, cròss poch, còzi concreti idem, però almeno té gh’ l’é mìssa tùtta e jerdlà con l’andiamo ch’ a gh’é stè l’é béle cuél

Benalouanesìncov
l’impresjón l’é ch’ al pòsa spacär al mond, invéci MastroLindo al fa al compitén e pòch, pòch äd pu

Palètta sètt
con Amauri séns’ ätor l’ùlltom a molär, còll ch’ al gh’ à cardù fin in fonda, còll che fòrsi al gh’ à dè fastìddi fär la figura ch’é stè fàt davanti ala scuädra pu forta che al Pärma al gh’ àbia mäj avù

Lucaréli séz
meno precìz che Palètta mo anca ti t’é fat al posìbbil mo in-t-al second témp i gnèvon zò cme la Pärma voladóra

Mesbah sìncov
la còza ch’ l’ à s’ vèdda äd pu cuand l’é in camp, l’é ch ’al pär al fradél pu grand äd Giovinco, mo par còll ch’ al fa coi pè arcordärsol l’é ‘na gara dura un bél pò

Ampuero séz
un giòvvon discrét, la corsa l’arcordäva còlla äd Di Chiara, p’r adésa la corsa e basta, l’avgùrri l’é ch’ a t’ pòs fär anca soltant
la metè äd col ch’ l’ à fat Di Chiara

Marchionni sìncov
Marchino, girón äd ritòron ch’ l’é stè ‘na via crucis, par tì prìmma che par tutt ch’ j ätor; ‘na fadìga boja, poch osigeno al sarvél,  äd consegvénsa pòch rendimént in camp

Paról sìncov
anca Paról  ‘na gran mòla pochi idei e second mi béle con la vója d’andär al mär, e s’al né còrra mìga lu li in méza a ‘n còrra pròprja nisón

Biabiany cuàtor
se Ampuero al gh’ à l’andadüra äd Di Chiara, Biabiany al gh’ à còlla äd Tino, mo purtrop al s’ férma ala corsa anca lu…

Belfodil du
e dai, a dìgh ancòrra, a vint’ an’, e con ‘na carjéra in man, al da l’idea d’aver mìga vója äd zugär, e l’impresjón che in curva pu äd vón l’à notè, l’é che tra lu e Amauri a gh’ sia ädla simpatia cme chi gh’ à ädla sabia in-t-i mudànd
Paladénzéro
idem cme sóra, al vén su e al regäla al gol a ch’ j ätor, vója äd zugär sält’m adòs !

Amauri sètt
sémp’r al solit, lotär fin in fonda con cór grénta e talént ! Mi a dìgh a gh’ vrà acsì tant a fär tutt cme lu ! Purtop con la scuädra ch’ al gh’ à d’atórna al fa ‘na fadiga bestjäla a fär gol, e gh’ mancrìss ätor

Donadón cuàtor
Mìsster  a ‘n s’ pól mìga però, la voja äd zugär äd l’an’ pasè indó éla andäda a fnir? 

Ballotta, Benarrivo, Di Chiara, Minotti, Apolloni, Grun, Melli, Zoratto, Osio, Cuoghi, Brolin, Pin, Pizzi, Tino, Nevio e tutt cuant äd Wembleysent dèz e lode
e gràsja p’r avér scrìtt ‘na pagina ch’ la restarà tùtta la vìtta in-t-al nóstor cór

AVANTI CROCIATI

Correzione ortografica  a cura di Enrico Maletti