Sei in Parma

CORONAVIRUS

"Un'ätra primavera col Covid", la poesia in dialetto di Lucia Marchetti - Ascoltala

06 marzo 2021, 18:45

Il sogno ad occhi aperti? Poter uscire e fare le cose più semplici del mondo. È la speranza, espressa in versi, di Lucia Marchetti, insegnante in pensione e poetessa dialettale. Ecco "Un'ätra primavera col Covid"

 ‌

 

 

La primavera stan la s’é nonsjäda

con tant bej fjor e al verd in tutt i prè,

però ancòra nissón l’à festegiäda

p’r i caprìssi d’un virus disgrassjè.

Lù sensa ‘na régola maj scritta

l’à portè via con zgärob e vjolensa

il cozi béli e semplici äd la vitta

ch’ i t’manchen propja adessa ch’a t’si sensa.

A sariss bel dezder’s una maten’na

con ‘na notissja nóva sul giornäl.

Saver che finalment una medzen’na

l’à tirè via dal mond qualsiasi mäl.

Tornär ognon a la vìtta äd tutt i dì

äd ‘na normalitè anca scontäda

brassär i tant amigh ormäi guarì

e andär avanti drìtt par la so’ sträda

con la vója äd semnär tanta bondansa

äd fär rifjorir l’economìa

äd portär a tutti la speransa

che in-t-al paez artórna l’alegrìa.

                                     Lucia Marchetti