Sei in Parma

poesia

L'omaggio in rima di Lucia Marchetti: "La Gazétta äd Pärma" - Audio

21 aprile 2021, 08:58

di Lucia Marchetti

La nostra Gazètta, al giornäl dj pramzan

la gh’à al vestì nóv e al cór sempr in man

la pärla äd politica e d’economìa

mo anca äd la génta ch’a sta in-t-la to’ vìa.

La pärla dal Régio, äd la so’ citadéla

la pärla dil j opri, äd la muzica béla

äd béj monument äd post ch’j en un incant

‘d’la bon’na cuzen’na par tutti un gran vant.

E tutt in-t-na forma äd gran classa, distinta

con pagini äd cronaca äd vìtta pramzana

e ‘na quälca foto ch’la pära dipinta

che bell un giornäl äd notissja nostrana!